FORGOT YOUR DETAILS?

Дасан зохицохуйн зам

Малчин – Амьтан – Тал хээрийн цогц эрүүл мэнд

Дасан зохицохуйн зам төсөл

Малчин – мал амьтан – тал хээрийн цогц эрүүл мэнд

“Дасан зохицохуйн зам: Малчин – мал амьтан – тал хээрийн цогц эрүүл мэнд” төсөл Монгол Улсын тал хээрийн бүс нутгийн мал аж ахуйн тогтвортой хөгжлийг дэмжих, малчдын амьжиргааг сайжруулах, хүн болон мал амьтны эрүүл мэндийг хамгаалах зорилгоор, Сүхбаатар аймгийн Засаг даргатай байгуулсан хамтран ажиллах санамж бичгийн хүрээнд Баяндэлгэр, Баруун-Урт, Сүхбаатар, Мөнххаан, Дарьганга зэрэг сумдад 2025–2029 оны хооронд хэрэгжиж байгаа билээ.
“Цогц буюу Нэг эрүүл мэнд” арга хандлагыг нутагшуулах замаар иргэдийн амьжиргааг дэмжих, уур амьсгалын өөрчлөлт, биологийн олон янз байдлын алдагдал, бэлчээрийн доройтлыг бууруулах, мөн хүн ба мал амьтны эрүүл мэндийг хамгаалах асуудлыг уялдуулан цогцоор нь сайжруулахад хувь нэмэр оруулах нь бидний зорилго бөгөөд нийт 6 бүрэлдэхүүн хэсгийн хүрээнд 28 чиглэлээр үйл ажиллагаа хэрэгжүүлж байна.

“Цогц буюу Нэг эрүүл мэнд” арга хандлагыг нутагшуулах замаар иргэдийн амьжиргааг дэмжих, уур амьсгалын өөрчлөлт, биологийн олон янз байдлын алдагдал, бэлчээрийн доройтлыг бууруулах, мөн хүн ба мал амьтны эрүүл мэндийг хамгаалах асуудлыг уялдуулан цогцоор нь сайжруулахад хувь нэмэр оруулах нь бидний зорилго бөгөөд нийт 6 бүрэлдэхүүн хэсгийн хүрээнд 28 чиглэлээр үйл ажиллагаа хэрэгжүүлж байна.

Бидний зорилго

Нэг эрүүл мэнд

Нэг эрүүл мэнд арга барилыг ашиглан уур амьсгалын өөрчлөлт, биологийн олон янз байдал алдагдах, газар ашиглалтын доройтол, эрүүл мэндийн эрсдэл зэрэг гамшигт малчдын тэсвэртэй байдлыг нэмэгдүүлэх

Хүн, амьтан, байгаль

Хүн, амьтан, хүрээлэн буй орчны эрүүл мэндийн асуудлыг нэгдмэл байдлаар шийдвэрлэх

Эрсдлийн удирдлага

Орон нутагт тохирсон эрсдэлийн удирдлага, урьдчилан сэргийлэх стратеги боловсруулах

Экосистемийг хамгаалах

Тогтвортой мал аж ахуйг дэмжих, бэлчээрийн экосистемийг хамгаалах

Хэрэгжих хүрээ, хамрах нутаг

Төслийг 2025–2029 оны хооронд Сүхбаатар аймгийн дараах сумдад хэрэгжүүлж байна:

Баяндэлгэр

Баруун-Урт

Сүхбаатар

Мөнххаан

Дарьганга

Төслийн үзэл баримтлал

Нэг эрүүл мэнд үзэл баримтлал

“Дасан зохицохуйн зам: Малчин – мал амьтан – тал хээрийн цогц эрүүл мэнд” төсөл нь олон улсад хүлээн зөвшөөрөгдсөн “Нэг эрүүл мэнд” (One Health) хандлагад суурилдаг.

Энэхүү хандлага нь:

  • Хүн амын эрүүл мэнд
  • Мал, амьтны эрүүл мэнд
  • Хүрээлэн буй орчны эрүүл мэнд

эдгээр нь хоорондоо салшгүй уялдаа холбоотой бөгөөд аливаа бодлого, хөтөлбөрийг боловсруулахдаа цогцоор нь авч үзэх шаардлагатай гэдгийг онцолдог. Төсөл нь энэхүү хандлагыг Монгол орны нүүдлийн мал аж ахуйн онцлог, тал хээрийн экосистемийн бодит нөхцөлд тохируулан онолоос практик руу шилжүүлэхийг зорьж байна.

Төслийн бүрэлдэхүүн хэсгүүд

1. Сургалт, чадавхи дээшлүүлэх

“Нэг эрүүл мэнд” зарчмуудыг ашиглан хариу үйлдлийн чадавхитай, ур чадварыг дээшлүүлэх;

2. Шинэчлэх, бэхжүүлэх

Зах зээлд суурилсан урамшуулал, нийлүүлэлтийн сүлжээг хөгжүүлэх;

3. Чадваржуулах:

“Нэг эрүүл мэнд” онолыг практикт нэвтрүүлэх;

4. Интеграци хийх:

/Нэгдэх/ Салбар хоорондын уялдаа холбоо, хамтын ажиллагаа, хамтран шийдэл боловсруулах;

5. Харилцах:

Монголын ноолуурын бодит түүхийг түгээх;

6. Хэрэгжүүлэх:

Хяналт, үнэлгээ, сургалт (MEL)

Дасан зохицохуйн зам

"Нэг эрүүл мэнд" хөтөлбөрөөр дамжуулан малчин зон, мал амьтан, тал хээрийн шүтэлцээг хамгаалж, уур амьсгалын өөрчлөлтөд тэсвэртэй, тогтвортой ирээдүйг Сүхбаатар аймагт цогцлоож байна.

Хэрэгжих бүс нутаг

Нэг эрүүл мэнд

© 2026 "Дасан зохицохуйн зам" төсөл. Бүх эрх хуулиар хамгаалагдсан.

Нууцлалын бодлого | Ашиглах нөхцөл

TOP