FORGOT YOUR DETAILS?

Хамтран ажиллагч түнш байгууллагууд

Тогтвортой ноос, ноолуурын эвсэл (ТННЭ) нь 2015 онд байгуулагдсан ашгийн бус, стандарт эзэмшигч, гишүүнчлэл бүхий нийлүүлэлтийн сүлжээний оролцогчид, сонирхогч талууд болон салбарын мэргэжилтнүүдийн дэлхийн хэмжээний эвсэл юм. Тус байгууллага нь хүн, мал амьтан болон хүрээлэн буй орчны эрүүл мэнд, сайн сайхан байдлыг хамгаалсан, хариуцлагатай, хүртээмжтэй дэлхийн байгалийн ширхэгтийн салбарыг хөгжүүлэх алсын хараатай.

ТННЭ нь нийлүүлэлтийн сүлжээний бүх шаттай хамтран ажилласнаар Монгол болон БНХАУ-ын ӨМӨЗО-ны малчдыг дэлхийн загварын салбарын брэндүүд, жижиглэн худалдааны байгууллагуудтай холбодог.
Тус эвслийн Амьтны гаралтай ширхэгтийн стандарт нь хариуцлагатай ноолуурын үйлдвэрлэлийг хангах дэлхийн таван зарчмыг тодорхойлдог. Үүнд: үр дүнтэй удирдлага, зохистой хөдөлмөр, биологийн олон янз байдал ба бэлчээр ашиглалт, малын тавлаг байдал, мөн ноолуурын чанарыг сайжруулах зэрэг орно. 

Odyssey Conservation Trust (OCT) нь дэлхий даяар “One Health” (Нэг эрүүл мэнд) хандлагыг хэрэгжүүлэх чиглэлээр мэргэшсэн олон улсын байгууллага юм. Тус байгууллага нь биологийн олон янз байдлын алдагдал болон уур амьсгалын өөрчлөлтийн тэргүүн шугамд ажиллаж, жендэрийн мэдрэмжтэй “Нэг эрүүл мэнд” хандлагыг ашиглан экосистемийг хамгаалах, орон нутгийн иргэдийг чадавхжуулах зорилготой ажилладаг. Дэлхийн хэмжээнд 20 гаруй жилийн туршлага бүхий OCT нь хүн, амьтан болон байгаль орчны эрүүл мэндийг уялдуулсан цогц “Нэг эрүүл мэнд” шийдлүүдийг хэрэгжүүлдэг.

Тэдний үйл ажиллагаа дөрвөн тивийг хамарч, шинжлэх ухааны шинэчлэлийг уламжлалт мэдлэгтэй хослуулан биологийн олон янз байдлыг сэргээх, орон нутгийн болон уугуул иргэдийн манлайллыг—ялангуяа эмэгтэйчүүдийн манлайллыг—дэмжихэд чиглэдэг. “Нэг эрүүл мэнд” шийдэл болон сургалтын хөтөлбөрүүдийг хөгжүүлэх хамтын түншлэлээр дамжуулан OCT нь хамгийн эмзэг бүлгүүдийн тэсвэрлэх чадварыг бэхжүүлж, хамтын ажиллагаанд суурилсан үйл ажиллагааг урагшлуулдаг. Тэдний талбар дээр туршигдсан “One Health in Action” нь тохируулан хэрэгжүүлэх боломжтой, үр нөлөөтэй, тогтвортой хандлага хэмээн хүлээн зөвшөөрөгдсөн загвар юм.

Нэгдсэн Үндэстний Байгууллагын Цөлжилттэй Тэмцэх Конвенц (UNCCD) нь газрын асуудлаарх хууль эрх зүйн хувьд заавал биелүүлэх олон улсын цорын ганц хэлэлцээр юм. Энэхүү конвенц нь газрын зохистой менежмент, хамгаалах бодлогыг дэмждэг. UNCCD-н 195 гишүүн талууд түншлэлийн хүрээнд Конвенцийг хэрэгжүүлж, Тогтвортой хөгжлийн зорилтуудыг биелүүлэхийг зорьдог.

Үндсэн зорилго нь газрын хэт ашиглалт болон ган гачгаас хамгаалж, хүн бүрийг хүртээмжтэй хүнс, ус, эрчим хүчээр хангах юм. Мөн түүнчлэн газрын тогтвортой менежмент, бэлчээрийн доройтлыг бууруулахад хувь нэмрээ оруулан, улмаар уур амьсгалын өөрчлөлтийн сөрөг нөлөөг бууруулж, байгалийн нөөцийн төлөөх зөрчлөөс зайлсхийж, орон нутгийн иргэдийн хөгжил цэцэглэлтийг дэмжих зорилготой.

Loro Piana нь LVMH группийн гишүүн бөгөөд Италийн дээд зэргийн чанар, ур чадварын бэлгэ тэмдэг брэнд юм. Байгуулагдсан цагаасаа эхлэн хэрэглэгчдэд дээд зэргийн чанарыг санал болгоход тасралтгүй анхаарсаар ирсэн. 

40 гаруй жилийн турш Loro Piana нь Монголоос хамгийн чанартай ноолуурыг авахдаа нутгийн иргэд, хоршоодтой урт хугацааны хамтын ажиллагааг хөгжүүлж, туршлагатай малчидтай хамтран олон зуун жилийн уламжлал бүхий ноолуур бэлтгэх арга барилыг өвлүүлэх, хадгалан хамгаалахыг дэмжин ажилласан юм. Loro Piana-гийн Италиас гадна байрлах цорын ганц үйлдвэр Улаанбаатар хотод байх тус үйлдвэрт ноолуурын анхан шатны боловсруулалт хийгддэг. 

Дасан зохицохуйн зам

"Нэг эрүүл мэнд" хөтөлбөрөөр дамжуулан малчин зон, мал амьтан, тал хээрийн шүтэлцээг хамгаалж, уур амьсгалын өөрчлөлтөд тэсвэртэй, тогтвортой ирээдүйг Сүхбаатар аймагт цогцлоож байна.

Хэрэгжих бүс нутаг

Нэг эрүүл мэнд

© 2026 "Дасан зохицохуйн зам" төсөл. Бүх эрх хуулиар хамгаалагдсан.

Нууцлалын бодлого | Ашиглах нөхцөл

TOP