“Дасан зохицохуйн зам: малчин, мал амьтан, тал хээрийн нэг эрүүл мэнд” төслийн хүрээнд Сүхбаатар аймгийн Мөнххаан суманд биологийн олон янз байдлын төвийн шав тавих ёслол 2026 оны 5-р сарын 3-ны өдөр боллоо.
Шав тавих ёслолыг Сүхбаатар аймгийн Мөнххаан сумын Дашчойнхорлин хийдийн үүсгэн байгуулагч Лувсаншарав лам удирдан явуулсан юм. Тэрээр “Энэхүү газар өмнө нь Далай вангийн хошууны 4 аймгийн 1000 гаруй лам зэрэг хурдаг, номын өргөө байсан” хэмээн хуваалцсан юм. Ийнхүү эрдэм номын авшигтай ариун газар экологийн боловсрол, Нэг эрүүл мэндийн мэдлэг, мэдээллийг түгээх төвийн байшин баригдах болсонд нутгийн иргэд ихэд талархан хүлээж авлаа.
Энэхүү биолгийн олон янз байдлын төвд төслийн зохион байгуулж буй бүх сургалт, үйл ажиллагаа зохион байгуулагдахаас гадна тал хээр нутгийн бэлчээрийн голлох зүйл ургамлуудын үзүүлэн бэлтгэж, сургалтад ашиглах тул танин мэдэхүйн олон талын ач холбогдолтой юм.
Лам Лувсаншарав, төслийн багийнхан, нутгийн иргэдийн хамт, Мөнххаан сум, 2026.05.03