Мал аж ахуй бол Монголчууд бидний өнгөрсөн, одоо бас ирээдүй билээ. Нүүдэлчин соёл иргэншил, уламжлалт мал аж ахуй, орчин үеийн шинэчлэлтэй хорших нь уур амьсгалын өөрчлөлт, байгалийн гамшигт үзэгдлийн давтамж эрчимжиж, нийгэм эдийн засаг хурдацтай хөгжиж байгаа өнөө үед нэн чухал болоод байна.
“Дасан зохицохуйн зам: малчин, мал амьтан, тал хээрийн нэг эрүүл мэнд” төслийн зүгээс залуу малчид, өсвөр үеийнхэнд зориулж “Шинэ зууны малчин” хөтөлбөрийг хэрэгжүүлнэ. Тус хөтөлбөр нь малчдын залгамж халааг бэлтгэхэд туслах, мал маллагааны уламжлалт аргыг хадгалан, өв соёлоо дээдлэн хамгаалж, өнөөгийн зах зээлийн хөгжилтэй зохицсон байгальд ээлтэй суурь мэдлэг, ойлголтыг ирээдүйн залууст олгох зорилготой. “Шинэ зууны малчин” хөтөлбөрийг олон жилийн судалгааны үр дүнд боловсруулж, өсвөр насны залуусын оюун санаа, сэтгэхүйд тохирсон, амьдралд нийцтэй, ерөнхий боловсролын цөм хөтөлбөртэй уялдсан агуулгаар Тогтвортой ноос, ноолуурын эвсэл ТББ-аас эрхлэн гаргаж, Дасан зохицохуйн зам төслийн хүрээнд шинэчлэн, сайжруулж, 6 багц сэдэв бүхий 35 цагийн сонгон суралцах хичээлийг бэлтгэв.
“Шинэ зууны малчин” хөтөлбөрийг хэрэгжүүлэхээр Дасан зохицохуйн зам төслийн удирдагч Б.Батхишиг Сүхбаатар аймгийн төслийн зорилтот сумдын Ерөнхий боловсролын сургуулиудын захиралтай 2026 оны 5-р сарын 4-нөөс 6-ны өдрүүдэд хамтран ажиллах санамж бичиг байгуулсан юм.
Сүхбаатар сумын ЕБС-ийн захирал Б.Энхсайхан, Төслийн удирдагч Б.Батхишиг нар хамтран ажиллах санамж бичигт гарын үсэг зурлаа, Сүхбаатар аймаг, 2026.05.04
Дарьганга сумын ЕБС-ийн захирал …, Төслийн удирдагч Б.Батхишиг нар хамтран ажиллах санамж бичигт гарын үсэг зурлаа, Сүхбаатар аймаг, 2026.05.05
Баяндэлгэр сумын ЕБС-ийн захирал Т.Мажигсүрэн, Төслийн удирдагч Б.Батхишиг нар хамтран ажиллах санамж бичигт гарын үсэг зурлаа, Сүхбаатар аймаг, 2026.05.06
Сүхбаатар сумын ЕБС-ийн захирал Б.Энхсайхан “Манай сургууль бол биологийн гүнзгийрүүлсэн сургалттай, аймаг, улсын олимпиадад сурагчид маань амжилттай оролцож, тэргүүн байр эзэлсээр ирсэн. Тиймээс биологийн хичээл дээр суурилан шинэ зууны малчин хөтөлбөр хэрэгжих нь бидний хувьд цагаа олсон, үр дүнтэй үйл ажиллагаа юм.” гэлээ.
“Шинэ зууны малчин” хөтөлбөрийн хүрээнд жилд сургууль бүр дээр 50 гаруй хүүхэд хамрагдах юм.